Hingpit nang nakadawat ang libuan ka mga benepisyaryo sa cash-for-work program sa Lianga, Surigao del Sur pinaagi sa usa ka pay-out human ang pipila ka adlaw nga gipahigayong community service.
Ang KALAHI-CIDSS Kapangyarihan at Kaunlaran sa Barangay Cash-For-Work (KKB-CFW) Program mipahigayon ug payout sa nahisgutang munisipyo.
Ang programa naghatag ug hinanaling pinansyal nga abag sa muabot sa 5, 199 ka mga benepisyaryo sa kinatibuk-ang duha ka adlaw nga payout.
Sulod sa duha ka adlaw, ang KALAHI-CIDSS Regional Progam Management Office (RPMO) staff sa Department of Social Welfare and Development (DSWD) Field Office Caraga, kauban ang Area Coordinating Team ug Barangay Officials sa naasoyng nga munisipyo ang nakatunol sa kinatibuk-ang Php9,098,250.00 o Php1,750.00 ang matag usa.
Ang mga benepisyaryo makadawat ug temporaryong pangempleyo bugti sa pagsalmot sa community development projects sulod sa lima(5) ka adlaw. Ang KALAHI-CIDSS KKB-CFW Program Payout naghatag ug kagahum sa komunidad pinaagi sa pagtugot sa mga residente nga direktang musalmot sa mga kalambuan pinaagi sa pagsalmot sa community development projects, bugti niini, maghatag usab ug pinansyal nga tabang.