Matapos ang limang linggong sunud-sunod na rollback sa presyo ng produktong petrolyo – simula bukas ay asahan naman ang bigtime na price hike!
Sa abiso, mayroong dagdag na P6.85 sa kada litro ng Diesel.
Mayroon ding umentong P3.50 sa kada litro ng Kerosene; at P1.20 na dagdag sa kada litro ng gasolina.
Alas-sais bukas ng umaga ay epektibo ito sa Shell, SeaOil, PetroGazz, UniOil, Jetti, at PTT; habang hatinggabi naman sa Caltex; at alas-otso sa CleanFuel.
Ngayong hapon ay inaasahang mag-aanunsyo na rin ang iba pang oil companies.
Meralco, may bawas-singil sa October billing
Kung may bad news sa mga motorista – good news naman sa mga konsyumer ng Meralco dahil asahan ang bawas-singil sa inyong October billing.
Sa abiso, mayroong bawas na P0.073 per kiloWatt hour sa susunod na billing sa mga Meralco consumers.
Ibig-sabihin, kung ang inyong tahanan ay kumokonsumo ng 200kWh, mayroong aaahang P15 na bawas-singil.
P22 naman ang bawas sa mga kumokonsumo ng 300kWh; P29 sa mga kumokonsumo ng 400kWh; at P36 sa mga tahanang mayroong 500kWh na konsumo.