DILI gayud mawala ang biko sa panahon sa Undas matag tuig gani karong tuiga makita sa mga dalang balon sa mga nagaduaw sa mga sementeryo ang biko.
Sumala kay Nanay Teresita Ybañez gikan sa Barangay Fatima, General Santos City nga naandan na nila nga adunay biko matag Undas, nagaduaw siya kuyog sa iyang pamilya kay 2016 pa namatay ang iyang bana.
Samtang si Emelina Hermosilla, 63-anyos gikan sa Barangay Katangawan nagsulti nga dili lang biko ang iyang ginaluto, aduna pay lamian nga sud-an nga paborito sa iyang bana unya bino nga ginasulod sa laing sudalanan.
Sa bahin sa usa ka sepulturero nga si Elisias Castante gisulti niini nga mao gayud kini ang naandan bisan dili Undas adunay nagahalad og pagkaun sa mga nitso unya kasagaran ginakaun daw sa mga hayop.
Sa bahin sa usa ka kaabag sa simbahan nga si Alfredo Nacario gisulti niini nga dili sugo sa simbahan ang paghalad og pahkaun, tradisyon na daw kini sa mga katawhan. I Ver Diazon