NAGA CITY—Binigyan ng ranggong Major ng Armed Forces of the Philippines o AFP Reserve Command si Department of Energy Undersecretary Felix “Wimpy” Fuentebella na isang Bikolano tubong Camarines Sur.
Pinangunahan ni BGEN Ferdinand M. Fraginal PN(M), Commander ng AFP Reserve Command ang pinning of rank kay Fuentebella nito lang nakaraang Martes, Mayo 25, 2021 sa Camp General Emilio Aguinaldo Quezon City..
Si Usec Fuentebella ay dating Kongresista sa 4th District ng Camarines Sur na isa ring Abogado.
Kahanay ni Fuentebella bilang mga Army Reservist din ang mga kilalang personalidad tulad nina Davao City Mayor Sarah Duterte, Dating Quezon City Mayor Herbert Bautista, Aktor na si Dingdong Dantes, Matteo Guidicelli, Senator Manny Paquiao at marami pang iba.
Ang Army Reservist, ay augmentation force ng Philippine Army sakali mang magkaroon ng giyera, invasion o rebellion. Kailangan din ang kanilang presensya sa pagtulong sa mga relief at rescue mission kapag may kalamidad.
(photo: AFP Reserve Command)