Nagpabilin pa gihapong kwestyonable alang sa Commission on Audit (COA) ang dakong kantidad sa mga assets nga gihuptan sa City Government of Davao nga mobalor sa ₱9.48 billion base sa 2020 audit report bisan pa man nga nakahikay na og komento ang nauwahi.
Una niini, usa ka deliberasyon ang nahitabo atol sa COA Exit Conference nga gihimo sa City Hall sa miaging Pebrero 28, 2021, napresenta sa City LGU ang financial reports apan nakulangan ang auditor human napakyas ang City LGU nga ilatag ang propriedad, plan, ug equipment accounts.
Dugang pa nga dili makasigurado ang state auditors sa validity, correctness, ug existence sa 40.10% o P9.48billion sa ₱23.66 billion total assets nga narehistro sa katapusang bulan sa Disyembre sa milabayng tuig gumikan walay gihimong actual count.
Kadudahan matud pa ug dili kasaligan ang inventory accounts nga mobalor sa ₱97 million samtang napakyas usab ang lokal nga panggamhanan sa pagsumite og Report kabahin sa Physical Count of Property, Plant and Equipment o RPCPPE apan gitataw hinoon sa COA nga tungod kini sa COVID-19 community quarantine restrictions.
Sa laing bahin, gitubag usab ni Davao City Mayor Sara Duterte-Carpio ang maong hishutanan, nakahikay na og pagpaklaro ang City LGU pinaagi sa General Services Office niadto pang Pebrero 8, 2021.
Sa opisyal nga pahayag sa alkalde, gipasabot niining tungod sa Covid-19 community quarantine restrictions walay natuman ug walay nahimo nga physical/actual counting tungod sa mga gidili sama sa gatherings ug meetings dugangan pa sa pagpatuman sa alternative work arrangements hinungdan nga nitumaw ang maong isyu.
Gihingusgan sa Mayor nga natubag tanan ang gipangayo sa COA dihang gihimo ang deliberasyon sa natigayong kumperensiya sa miaging Pebrero 2021 apan ang problema walay nahimong aktwal nga pag-ihap.
