Nagpabilin nga COVID-19 free ang mga jail facility sa Bureau of Jail Management and Penology kon BJMP-XI sukad bulan sa Pebrero karong tuiga hangtud sa kasamtangan.
Sumala kang Capt. Edo Lobenia, Spokesperson sa BJMP 11, tungod kini sa nagpadayong pagpatuman sa hugot nga health protocol sa tanang pasilidad ilawum sa ahensya.
Gibutyag usab ni Lobena na 90% sa tanang personahe sa BJMP-XI ang nabakunahan na usab sa ilang first dose.
Samtang miabot na usab sa 27 ka mga piniriso gikan sa Digos City Jail ang nabakunahan na sa COVID-19 vaccine.
Nagrequest na usab ang BJMP nga mabakunahan ang uban pang priso ilabi na ang mga nalakip sa vulnerable group sama sa mga senior citizen ug dunay mga balatian nga mga persons deprived with liberty kon PDL. BNFM-DAVAO