Mapasalamaton ang Brigada News FM Butuan sa tanang indibidwal nga boluntaryong ni-donate sa kaugalingong dugo subay sa gilusad nga Bloodletting Campaign sa sibyahan diha sa Event Center, SM City Butuan.
Lakip usab nga gipasalamatan ang tagdumala sa SM City Butuan pinaagi ni Assistant Mall Manager Engr. Jake Daiz nga mahatagan sa komportableng venue ang matag bloodletting campaign sa sibyahan.
Sa upat ka hugna nga pagpahigayon og bloodletting sa sibyahan, moabot na sa kinatibuk-ang 514 ka mga bag sa dugo ang nakolekta human nadugangan og 110 ka mga bag sa dugo.
Ang tanang bag sa dugo nga nakolekta ang gitugyan ngadto sa Philippine Red Cross Butuan City/Agusan del Norte Chapter.
Hisayran nga quarterly ang maong kalihokan aron matabangan ang Philippine Red Cross Butuan City/Agusan del Norte Chapter nga mapundohan og dugo alang sa mga nanginahanglang pasyente.