NAKAWATAN gihapon ang usa ka boarding house bisan adunay CCTV camera nga gibutang ang tag-iya sa ilang gate
Subay sa kuha sa CCTV pa simple lang nga nagalakaw sa dalan sa subdibisyon ang duha ka mga kawatan, unya ang usa maoy nagmaniubra aron ma-abli ang gate samtang ang usa nagpabilin sa gawas.
Kapin baynte minutos ayha nagdali nga nigawas ang kawatan nga walay tsinelas, bitbit na ang kinawart nga mga cellphone.
Sumala sa biktima nga si George Cacho, 56-anyos nga nagatrabaho sa usa ka tambalanan wala siya nakabantaysa kawatan, ang iyang asawa maoy unang nakamatikod nga adunay tawo nga nanglili kanila.
Gilamba ni Marilyn Aldaya ang ilang pultahan mao nga nidagan ang kawatan, ulahi na sila nakamatikod nga gikawatan sila sa dihang nakita nga ang bag ni Cacho anaa na sa gawas sa ilang boarding house.
Gideklara sa magtiayon nga duha ka cellphone ug may kwarta nga nakaipit ang nakuha sa kawatan.
Panawagan ni Marilyn nga unta ibalik lang sa kawatan ang ilang cellphone bahala na ang kwarta. I Ver Diazon