Selos ru gina turong motibo sa natabong pag pamuno it suspek sa biktima habang naga sakay it motorsiklo ru dating live-in partner it suspek samtang naga-agi sa karsadahon it Purok 6 C. Laserna St., Kalibo, Aklan.
Sa imbistigasyon, nakilaea ru biktima nga si Jhon Mark Reprado y Matubang, 23 anyos ag residente it Brgy. Linabuan Sur, Banga, Aklan.
Angkas sa motorsiklo it biktima ru dating live-in partner it suspek nga si Miles Telic, 26 anyos nag taga-Purok 6 c. Laserna St., Kalibo.
Naga pauli eon konta ru biktima sakay it anang gina manehong motorsiklo kadungan sanday Mark Francisco sa legal nga edad ag residente it Bliss Site Brgy. Poblacion Kalibo ag Mica Telic nga naga tikang sa karsadahon.
Gulping pinaeapitan ag binuno ru biktima it suspek nga si Aries Bulanon, 26 anyos ag residente it Brgy. Mabilo, Kalibo.
Naka angkon it tamat pagbuno sa kilid nga parte it eawas ag tuo nga abaga ru biktima rason nga nahueog ru biktima sa gina manehong motorsiko.
Samtang, madasig man nga naka takas ru suspek paeayo sa lugar ag natiempuhan nga naga agi man ru naga himo it mobile patrolling ru mga personnel it Kalibo MPS rason nga eaging gin daea sa hospital.
Sa makaron, padayon pang gina usoy it mga kapulisan ru suspek.//MARIVIC Y. ILIN