Pakyas nga makahatag sa klaro ug tinooray nga close contact line list ngadto sa District Health Officer Contact Tracing business process outsourcing (BPO) company nga Teleperformance hinungdan nga gipailawum kini sa lockdown.
Sumala kang Covid-19 Task Force spokesperson Dr. Michelle Schlosser, anaa sa 46 ang aktibong kaso sulod sa BPO company ug wala gideklara og tarong sa kumpanya ang listahan sa mga close contact sa mga nagpositibo.
Epektibo gilayon ang lockdown notification nga gisilbi sa district health officer, sanitation team, police personnel, ug barangay council.
Sa pikas bahin magsugod na usab karong adlawa anag temporary lockdown sa Sangguniang Panlungsod (SP) hangtud Hunyo 6, 2021.
Maapektuhan sa lockdown ang City Treasurer’s Office, City Assessor’s Office, Business Bureau, City Civil Registrar’s Office, Vice Mayor’s Office, ug mga opisina sa mga konsehal.
Hinoon gitataw nga mamahimo pa gihapong makapadayon ang dunay transaksyon pinaagi sa paghulog sa mga dokumento sa gimuntar nga mga drop box atubangan sa SP Building.