LEGAZPI CITY – Labi an pagpapasalamat kan bilog na Bicol University partikularmente an College of Engineering nin huli sa akomplisimento para sa nakalihis na February 2024 Mechanical Engineers Licensure Examination.
Kun babalikan kaya an datos kan Professional Regulations Commission (PRC), puminanduwa an unibersidad sa may pinakahalangkaw na percentage sa nasambit na eksaminasyon, kun sain naguno kaini an 93.33%.
Sa intrevista kan Brigada News FM Legazpi kay Dr. Amelia Gonzales, College of Engineering Dean, pinasasalamatan kaini enot an Diyos, sunod an mga magurang kan mga estudyante nin huli sa tinatao nindang suporta, departamento kan Mechanical Engineering, asin kay BU President Dr. Baby Boy Benjamin Nebres III.
Siring man, bentahe man su boot an pagkakaigwa nin maray na atmosphere asin ambiance sa kolehiyo na conducive para sa mga estudyante.
Segun kay Gonzales, nakakatabang su boot ini nganing masarumsom kan mga estudyante an saindang mga pinag-aadalan.
Mientrastanto, sinabi niya man na maski an iba pang department kan Engineering sa unibersidad, dakol man na mga nagin akomplisimento sa mga nakalihis na eksaminasyon.