LEGAZPI CITY – Nakaguno nin 54.90% first time taker passing rate an Bicol University Guinobatan Campus sa isinagibong November 2023 Agriculturists Licensure Examination.
Basado ini sa ipinaluwas na resulta kan Professional Regulation Commission (PRC), kun sain 28 sa 51 na first time takers na mga alumni nin unibersidad an nakapasar.
Mientrastanto, sa kabilugan na nagtake kan exam hale sa BU, nakakua nin 42.11% overall passing rate an unibersidad kung sain nasa 32 an totalmenteng nakapasar sa 76 na nagtake kan eksaminasyon, kasabay na digdi an sa BU Gubat Campus.
Halangkaw ini kumpara sa national passing rate na 34.18% kun sain, sa bilog na Pilipinas, 3,423 hale sa 10,014 na mga nag-exan an nakapasar.