Pumasok sa isang Memorandum of Agreement ang Bureau of Corrections at iba pang ahensiya ng pamahalaan para sa isang inter-agency collaborative group (IACG) para labanan ang drug trafficking sa prison facilities at penal farms.
Ayon sa BuCor, magtatag ng isang operation center sa loob ng New Bilibid Prison (NBP) upang gampanan ang mga tungkulin at responsibilidad ng IACG sa ilalim ng MOA.
Sinabi nito na tututok ang operation center sa intelligence gathering at monitoring, upang maiwasan ang mdrug-related activities sa loob ng NBP at iba pang prison facilities
Sakop ng MOA ang NBP, ang Correctional Institution for Women, ang Iwahig Prison and Penal Farm, ang Sablayan Prison and Penal Farm, ang Leyte Regional Prison, ang San Ramon Prison and Penal Farm, at ang Davao Prison and Penal Farm.
Pumirma sa MOA sina BuCor Director General Gregorio Catapang Jr., National Bureau of Investigation Director Medardo De Lemos, PNP Chief Police General Benjamin Acorda Jr., Philippine Drug Enforcement Agency Director General Moro Virgilio Lazo, at National Intelligence Coordinating Agency Assistant Secretary Rolando Asuncion.