NIPATONG na sa P43 pesos sa matag kilo ang presyo sa mais nga bugas sa merkado sa General Santos City
Makita sa mga karatola sa mga bugasan nga naga panukad sa P36 pesos hangtud na sa P43 pesos ang presyo sa bugas mais, pantay na kini sa presyo sa Regular Milled Rice.
Sumala sa usa ka negosyante nga si Raffy Bancayo nagadependi sa ilang supply ang presyo, kon mahal ang kumpra mahal usab ang ilang pagtinda. Aduna silay duha ka dapit nga ginakuhaan og supply sa bugas mais, una sa Glan ug ikaduha sa Malungon, Sarangani Province.
Sa bahin sa usa ka mag-uuma nga si Marcelino Iwikan wala man nisaka ang presyo sa mais nga uga anaa lang kini sa P20 pesos kada kilo.
Sa bahin sa Vice President sa Consumer Welfare Council sa Gensan nga si Assuncion Rodriguez gisulti niini nga dili gayud stable ang presyo karon gumikan ang tanan nga dependi sa supply. I Ver Diazon