Kasado na ang Cagayan de Oro sa Bayanihan Bakunahan National COVID-19 Vaccination nga sugdan karong adlawa Nobyembre 29 hangtod sa Disyembre 1 ning tuiga
Gibutyag ni CDO Bayanihan Bakunahan 2021 Focal Person Antonio Resma Jr., nga plantsado na ang tanan ug katawhan na lamang ang gihulat aron makapabakuna.
Kompleto nasab ang mo-asister nga mga volunteers sa nahisgutang nasudnong aktibidad diin lima ka libo ka volunteers ang gi-deploy sa kapin 20 ka mga vaccination sites.
Subay niin magbukas ang mga barangay vaccination sites alas 8 sa buntag samtang dunay pipila ka mega sites nga magbukas sab sa susamang oras, ug dunay uban nga mag-abli alas 10 sa buntag.
Abiso karon ni Resma nga aron mapadali ang bakunahan himuon una sa katawhan ang pag-pre register.
Una nang gilauman nga pinaagi sa 3 ka adlaw nga bakunahan makab-ot sa Pilipinas ang herd immunity batok sa COVID-19. -END- (Claudine)