Ginbida sang Capiz Provincial Police Office (CPPO) ang accomplishments sini sa sulod sang bulan sang Mayo 2023.
Sa datos, kapin 57 ka indibidwal ang naaresto sa madagta nga serye sang iligal nga pagpangisda sa kalalawran sang Capiz kun sa diin naglab-ot sa masobra P 4 milyones ang balor sang narekober nga mga fishing paraphernalias.
18 tanan ka mga persona nga wanted ang ginserbehan sang warrant of arrest sang kapulisan.
Nagdangat naman sa 9 ang naaresto sa ginpasangkad nga kampanya batuk sa iligal nga druga kun sa diin napasakaan tanan sang kaso kag narekober ang 95.584 nga gramo sang droga.
Sa pihak nga bahin, 35 ang mga nagkaladakpan nga persona sa 26 ka operasyon sang iligal gambling kag nakumpiska ang kantidad nga P 5,910.
6 ka armas-luthang nag gintugyan ukon ginsurender sa kapulisan kag 3 dire ang arestado bangud sa paglapas sang RA 10591.
Samtang, 486 ka mga Board Feet Lumber ang nabawi sa 2 ka operasyon sang Iligal Logging nga nagabalor sang P 4, 580.
2 naman ang nagsungka kag isa ang nag-bawi sang suporta sa Communist Terrorist Group (CTG) dala ang 3 ka armas kag 1 ka explosive device. | KMD Gicalde