Ginaproblema makarun sa Kalibo Municipal Cemetery ro pilang mentally challenge nga ginasamad ro mga lapida kung siin, may sangka pantyon nga sinamad.
Mismong ro BRIGADA News Team hay naaktuhan ro sangka eaeaki nga may diperensya sa painu-ino nga nagakatueog sa ibabaw it pantyon.
Sa interview man it BRIGADA NEWS FM KALIBO kay Gennie Lachica, caretaker sa nasambit nga sementeryo, may nagreklamo segun nga pamilya nga nasamad ro andang pantyon.
Owa segun imaw it maubra sa nasambit nga mga mentally challenge bangud imaw malang isaea ro caretaker ag nahadlok man imaw nga magsita bangud pirme segun nga may bitbit nga bato ro mga raya.
Nagpanawagan man si Lachica sa LGU Kalibo nga mataw an it aksyon ro nasambit nga problema sa sementeryo ag kung pwede hay madugangan ro magabantay. // ANN DESLENE SALAZAR