Nangandam na ang Department of Social Welfare and Development-XI alang sa ipahigayong pagpang-apod-apod og emergency shelter assistance alang sa 36,270 beneficiaries nga naapektuhan kaniadtong 2019 nga linog sa DavSur.
Subay sa impormasyon gikan sa maong buhatan, anaa sa P30,000.00 cash assistance ang takdang dawaton sa 6,930 ka mga nawad-an og panimalay samtang P10,000.00 alang sa 29,430 nanag-iya og partially damaged nga balay.
Gawas sa ayudang pinansyal, hatagan usab sa ahensya og temporary employment pinaagi sa cash-for-work modality ang mga benepisyaryo, diin motrabaho sila sulod sa 10 ka adlaw bugti sa P297.00 nga sweldo kada adlaw.
Kahibaluang ang maong programa kabahin sa Comprehensive Aid to Repair of Earthquake Damage (CARED) sa gobyerno nga gikatakda usab ilusad didto sa Region XII ilabi na sa pipila ka munisipyo ug syudad sa Nirth Cotabato.BNFM-DAVAO
