Cebuano beatboxing twins pinuri ni Hollywood actor Will Smith

Viral ngayon sa internet ang beatboxing twins mula sa Cebu na sina Joemar at Jake Canencia matapos mapansin at i-repost ng isa lang naman Hollywood celebrity ang kanilang video.

Sa Instagram post ni Will Smith, ay makikita ang video ng kambal na kino-cover ang Martin Garrix hit na “Animals”.

Sinabi ni Smith sa caption: “Before the internet, people would just be good at something like this and nobody would know—Tragedy! Shoutout Joemar & Jake…this is spectacular!”

Napakomento naman sa nasabing post si Martin Garrix mismo, kung saan ay inihayag niya ang kanyang pagkamangha sa kambal sa pamamagitan ng pagtawa.

Ikinagulat naman nina Joemar at Jake na napansin ng isang sikat na aktor ang kanilang talento.

Sinabi nila na inakala nila na mga Pilipino lang ang nakakakita sa kanilang video, ngunit tila ay nakarating na ito sa iba’t-ibang bahagi ng mundo.

Ibinahagi naman nila na nadiskubre nila ang kanilang talento sa beatboxing noong sila ay 5-taong gulang pa lamang, ngayon, sila ay 16-taong gulang na.

Bukod sa beatboxing, ay meron rin Youtube channel ang dalawa na ngayon ay meron nang 7,000 subscribers.