Iga presenta sa PNP Regional Anti-Cybercrime Unit 6 sa Iloilo City ru cellphone it negosyanteng binaril patay it uwa pa makilaeang mga suspek sa Mercedes Village, Brgy. New Buswang, Kalibo Aklan.
Sa Mini-Press Con, gin pahayag ni PLTCOL Ricky Bontogon, OIC it Kalibo MPS, katuyu-an nga marecover o ma extract ru mga data sa cellphone agud mabuoe pa gid ru mga vital information nga maka tao it bulig sa Kalibo MPS para sa pagresolba it kaso.
Kun matandaan, naka pag live pa sa facebook ru biktima matapos brutal nga gin baril patay it uwa pa makilaeang mga suspek ng naka sakay sa motrosiklo.
Bangud sa fb live, nabuoe pa ru pag hingalo it biktima matapos maka angkon it tamat pagbaril.
Samtang, nagpromesa si Bontogon nga tinguhaon na nga maresolba ru kaso it negosyanteng si Ryan Relator, 44 anyos agud maangkon ru hustisya.
Samtang, gin hatud eon sa ulihing kapahuwayan ru pinatay nga negosyante ku nagtaliwan nga Sabadong adlaw, September 23.//MARIVIC Y. ILIN