GISUGDAN sa partidong AIM ang ilang unang adlaw sa pagpangampanya sa mga local candidates pinaagi sa pagbisita sa City Hall.
Gipangunahan ni Brigada Elmer V.Catulpos kauban ang iyang kapikas nga si Maam Yelcy ang pagbisita asa gihimamat ang mga empleyado ingon man mga opisyal sa city hall.
Segun kang Brigada Elmer, nagpasalamat siya tungod sa mainitong pagdawat kaniya sa city hall ug nagkanayun nga symbolic ang unang adlaw sa kampanya tungod giuna nga adtuan ang city hall ug gibutyag nga ‘change is coming.’
Kauban sa Ama ng Brigada ang mga kandidato sa pagkakonsehal sa partidong AIM ug mga supporters asa may mga gasayaw pa sa musika nga Alisto Alisto samtang gabaktas padulong sa mga opisina sa lokal nga gobyerno.
May mga empleyado nga mibayaw sa ilang mga kamot, nag-fist bump, thumbs up, ug nagpakuha og litrato samtang ang uban miduol aron magpaila sa Ama ng Brigada isip ilang suportahan sa May 9 elections.
Halos tanang buhatan sa city hall ang giadtoan ni Brigada Elmer, ug nahimamat usab si Vice Mayor Tonton Acharon asa sila misulat sa ilang pangalan sa guest book.
Samtang gabaktas pasulod ug pagawas sa mga buhatan sa city hall, naagian pa sa bando ni Brigada Elmer ang laing grupo sa mga tawo sa kaatbang nga grupo sa Oval Plaza ug didto diriyot nakighimamat.
Milahos usab ang partidong AIM sa SP building nga niadtong tungura adunay committee hearing apan midalikyat sa paghimamat kanila.