NUMANCIA,AKLAN—Naabot it kaeayo ru Child Development Center (CDC) sa Brgy. Bulwang, Numancia, Aklan kahapon.
Sa initial nga report it Bureau of Fire protection (BFP)-Numancia, nag-umpisa ru kaeayo matapos sunugon it pilang mga indibidwal ru “eamay” nga maeapit sa nasambit nga eskwelahan.
Raya ru naging dahilan nga eomapad ru kaeayo hasta umabot sa bobong it CDC.
Gina bana-bana nga naga-abot sa P1,500 nga kasamaran nga nailista it BPF matapos maghimo it imbistigasyon sa lugar.
Maswerte man nga eaging hatapna r kaeayo ag uwa eon magkalhit r kaeayo sa nasambit nga eskwelahan.
Bangud kara, uman nga nagpadumdom ru Bureau of Fire protection (BFP)-Numancia sa publiko nga ugaliong maging madahan sa lahat nga pweding umpisahan it sunog kapin pa makarong Fire Prevention Month.//MARIVIC Y. ILIN