NAGPAHIGAYON og ‘assessment’ ang GenSan City Disaster Risk Reduction Management Council (CDRRMC) sa mga lugar gibaha. Matud ni Dr. Agripino Dacera, labaw sa CDRRMC padayon ang gihimong ‘assessment’ sa mga lugar nga gibaha dungan sa kusog nga pag-ulan.
Partikular nga giadtoan nila ang Barangay Katangawan ug Tinagacan asa milapos na ang tubig sa mga kadalanan resulta sa paglisod sa mga motorista sa pag-agi.
Samtang sa nahitabong pagbaha sa Purok Quilantang, Barangay Calumpang gibutyag ni Engr. Emerald Signar labaw sa City Engineers Office (CEO) nagpadala na sila og backhoe sa sapa sa lugar. Kahibaloan nga pipila ka residente sa GenSan ang nakasinati og taga tuhod nga baha ug pagkusog sa baha gahapong adlawa. ( Richel Gubalani)