PADAYUN ang gihimong clearing ug hot pursuit operation sa kapulisan ug kasundalohan sa Kiamba, Sarangani Province batok sa gituohang communist terrorist group nga nanghasi pinaagi sa pagpabuto og armas sa
Community Police Assistance Center sa Barangay Suli, Kiamba alas 8 pasado sa gabii niadtong Huwebes.
Segun ni Police Col. Michael Lebanan, Sarangani Police Provincial Office nga nakarekober sila og mga empty shell sa upat ka kalibre sa armas ug kini ilaha pang gisuta aron matumbok kinsa nga armadong grupo ang responsible.
Hinuon wala may nadamyos nga kinabuhi ug propriedad apan nagtuo si Lebanan nga nagpapansin lang ang mga armadong grupo aron paulawan ang gobyerno, apan dili usab nila kini lung-an. Dugang sa provincial director, posible matud pa sila nga magpahigayon og operasyon batok sa maong grupo dungan sa pagpaniguro nga ipadayun ang heightened alert sa MAKIMA area ug sa ubang lugar sa Sarangani Province.