Code of Conduct sa West Philippine Sea, pinamamadali ni Imee

Pinamamadali ni Senator Imee Marcos ang pagbalangkas ng Code of Conduct sa West Philippine Sea upang maiwasan ang mga insidente sa mga pinagtatalunang isla.

Naglabas ng kanyang pahayag si Marcos, na siyang chairman ng Senate committee on foreign relations, matapos na magpasa ang Senado ng resolusyon na mariing tumututol sa paulit-ulit na intrusion ng China sa WPS.

Sinabi ng mambabatas na ikinaalarma niya ang nangyaring insidente sa WPS na nagpapatunay na kailangang mabilis na subaybayan ang pagapruba ng Code of Conduct.

Ang tinutukoy niya ay ang video na ipinakita ni Senator Francis Tolentino sa isang privilege speech noong Miyerkules. Makikita sa footage ang insidente noong Nobyembre malapit sa Pag-asa Island kung saan nakitang kinuha ng Chinese Coast Guard ang hinihinalang rocket debris na nakuha ng mga tauhan ng Philippine Navy.

READ MORE:

Samantala, tiniyak rin ni Marcos na hahanapan niya ng pondo ang mga request ng Armed Forces of the Philippines maging ng Bantay Dagat upang mapatatag ang paninindigan ng bansa sa mga pinagtatalunang isla.

Ikinalungkot kasi ng senador na inilagay sa unprogrammed funds ang request ng AFP sa mga dagdag tauhan nito.
#