SUBLING nagpahinumdom ang Commission on Election (Comelec) sa mga kandidato ug political parties nga isumite na ang ilang statement of contribution and expenditures (SOCE) sa Hunyo 8, ensaktong 30 kaadlaw human ang eleksyon.
Ang Republic Act 7166 nagsulti nga walay personahe nga na-elect sa tanang public office ang makasugod sa trabaho hangtud dili maka-file sa ilang SOCE. Matud ni Atty. Jose Villanueva, assistant regional director sa Comelec-12, duna nay pipila ka kandidato ang nagsumite na og SOCE sa nagkadaiyang election offices.
Sa mga wala pa nakasumite, gipahinumdom niini nga ilawom sa balaud, dugang atubangon nga administrative penalties ugaling dili maka-file og SOCE sa insaktong oras labi na wala naka-file. Giklaro usab niini nga kinahanglan gihapon nga mosumite og SOCE ang kandidato nga nagwithdraw sa iyang kandidatura tunga-tunga sa campaign period. I Richel Gubalani