Nagsugod na ug panawat ang Comission on Election sa mga gustong mu-apply ug gun exemption alang sa mga nanag-iya og lisensyadong armas nga gustong magdala niini sa gawas sa ilang panimalay bisan election period.
Ang gun ban gipatuman nunot sa umaabot nga Barangay ug Sangguniang Kabataan Elections karon Oktubre ning tuiga.
Matud ni Atty. Lionel Marco Castillano, OIC Regional Director sa Commission on Elections (COMELEC)-Region 7 nga online ang pag-file sa exemption diin mobisita lang sa website sa COMELEC nga mao ang www.comelec.gov.ph.
Nasayran nga ang gun ban magsugod sa Agusto 28 hangtud na sa Nobiyembre 29, 2023.
Samtang ang mga huwis, fiscals, miyembro sa Philippine National Police, Armed Forces of the Philippines ug COMELEC personnel exempted niini kinahanglan aduna silay Permit to Carry Firearms (PTC) ug lisensiyado ang ilang mga armas.//