Ginlinaw it Commission on Elections (COMELEC) Aklan sa mga lokal nga kandidato it Aklan ag botante it probinsiya nga ro pagta-o o pagpangayo it kwarta o ano man nga kabaylo nga bagay nga may balor kabaylo it andang boto hay ginbawae sa idaeom it Omnibus Election Code.
Base pa sa pahayag it Comelec-Aklan, maturing ro vote-buying, o pagbakae ag pagbaligya it boto nga sambilog ka mabahoe nga bayolasyon sa Election Code.
Ro bisan sin-o nga kandidato nga mapamatud-an nga nagahiwat it vote-buyinghay magapangatubang sa disqualification ag indi pagpasugtan nga makaboto sa mga masunod nga eleksyon ag indi pagpasugtan nga magbuyot it bisan ano nga puwesto sa gobyerno.
Dugang pa it taetapan, pasakaan man it sanction ro mga botante nga nagabaton o nagapangayo it kwarta o material nga bagay sa mga pulitiko kabaylo ro andang mga boto./JIL B. LACSON