Halin it February 12-29, 2024 nga pagpatuman it registration it Comelec-Aklan, may na-proseso eon nga kapin sa 2,513 applications, suno kay Atty. Roberto Salazar, Provincial Election Supervisor it Comelec Aklan.
Ro registration period hay umpisa it February 12 hasta September 30, 2024.
Nagaabot man sa 613 ro mga bag ong nagpa-rehistro, samtang ro mga nagtransfer sa ibang banwa o syudad hay kapin sa 1,137.
Sa mga nagsaylo sa ibang barangay hay may 233, sa mga nagtransfer kaeakip ro reactivation- 13, transfer with activation and collection of entries- 7, transfer with collection of entries- 51, reactivation-156, change of name collection of entries- 257, may mga nagapa-rehistro man nga overseas absentee voting.
Ginhayag ni Atty. Salazar nga target it Comelec sa bilog nga nasyun hay 3 million registration.
Nakibot man segun sanda sa Comelec nga sa first two weeks hay may 640,000 eon ro na-process nga applications it Comelec nationwide.
Nagpabulig man si Atty. Salazar sa mga media sa Aklan sa pag disseminate kaangot sa andang programa nga Register Anywhere, kung siin, indi eon kinhangean pang umuli sa inyong lugar para magparehistro, bangud ro Comelec-Kalibo hay nagabatun it sari-sari nga klase it application kaparehu it New, Transfer, Correction ag Reinstatement. // ANN DESLENE SALAZAR