Preparado na ang Commission on Elections sa probinsya sang Capiz para sa nagahilapit nga Barangay and Sangguniang Kabataan Elections 2023 sa maabot nga Oktubre.
Ini ang nangin pahayag ni Provincial Election Supervisor IV, Atty. Will Arceño sang mainterview sang Brigada News FM-Roxas City.
Suno kay Arceño, sa masunod nga mga binulan magatraining ang electoral boards nga pagasundan sang mga manunudlo nga magaserbe sa adlaw sang eleksyon.
Dugang pa sini, sa oras nga magsugod ang filing of certificate of candidacy, madamo na sang ginabawal nga buluhaton kaangay sang pagdala sang mga armas-luthang kag iban pa.
Gintuad man ni Arceño, nga wala pa sa karon sang mga identified barangays nga lakip sa election watchlist areas.
Sa datos, naglab-ot sa 752,068 ang numero sang mga rehistrado nga botante sa probinsya, 551,707 dire ang mga botante sa barangay level samtang 200,361 naman ang mga maboto sa Sangguniang Kabataan Level.
Panugyan sini sa mga pumuluyo sa maabot nga eleksyon nga magboto sang nagakadapat nga lider sa ila barangay kag mahimo ang mga ini makapalapit sa iya opisina kun may mga pamangkutano.//KMD Gicalde