Sambilog sa mga ginaisipan ag ginahandum ni PBGen Jack Wanky, Regional Director it PNP 6, hay ro makatukod it mga command centers ag CCTV sa mga crime prone areas sa bilog nga Western Visayas.
Base sa pahayag ni General Wanky sa ginpatigayun kara nga 1st Command Visit sa Aklan PPO ku nagtaliwan nga adlaw, sa National Capital Region hay 99 porsyento nga naresolba ro mga street crimes pinaagi it CCTV footages.
Dapat segun nga may CCTV sa palibot agud bisan owa it pulis nga nakabantay hay makita ku mga raya sa command centers ro matabo nga insidente.
Kinhangean man segun nga may quick reaction team para kung may insidente, insigida nga may makaresponde.
Samtang, kaangot man sa mga media nga may pagpamaeag sa andang kabuhi, pwede segun nga magpaeapit ro mga raya sa mga pulis agud mabuligan ag mataw an it security para sa andang safety.
Suno pa sa Regional Director, ginakabig nana nga partner it mga pulis ro media sa paghatud it balita sa publiko ag accomplishments ag bisan pati ro kapalpakan nanda nga mga kapulisan. // ANN DESLENE SALAZAR