Binisita ni AFP chief of staff Gen. Romeo Brawner ang isinasagawang command post exercise ng AFP Joint Exercise Dagat Langit at Lupa sa Camp Aguinaldo ngayong araw.
Si Gen. Brawner ang tumatayong AFP Joint Task Force Commander ng pagsasanay na nagsimula nitong November 6, at tatagal hanggang November 17.
Ang annual multilateral exercise ay layong mapahusay ang interoperability ng iba’t ibang sangay ng AFP sa pagsasagawa ng joint external security operations sa bansa.
Samantala, dadalo rin si Gen. Brawner sa AJEX DAGITPA Joint Combined Arms Live Fire Exercise and Urban Operations sa Camp Cape Bojeador, sa Burgos Ilocos Norte sa November 15.