Community pantry tampok sa isang eskwelahan sa bayan ng Mercedes

MERCEDES, CAMARINES NORTE- Tuloy- tuloy ang pag usbong ng Community Pantry sa iba’t- ibang panig ng bansa at laganap na rin ito ngayon dito sa lalawigan ng Camarines Norte.

Matapos ngang maging patok  ang community pantry sa Maginhawa, Quezon City ay marami nang lugar ang nagsagawa na rin ng kahalintulad na aktibidad sa diwa ng pagbabayanihan.

Nitong weekend, naglunsad ng community pantry ang Pablo Villafuerte High School sa Brgy. Matoogtoog sa bayan ng Mercedes.

Ito ay sa tulong na rin ng mga nagbigay ng suporta sa eskwelahan dahilan upang maisakatuparan ang aktibidad.

Ang nalikom na mga donasyon ay ipinamahagi sa mga magulang  ng mga mag-aaral na nagsagawa naman ng “Brigada Eskwela Plus”

Mahigpit ding ipinatupad ang health and safety protocols sa pagsasagawa ng naturang aktibidad.

Matatandaang nagsimula ang mga Community Pantries sa National Capital Region (NCR), ang itinuturing na epicenter ng COVID- 19 pandemic para tulungan ang mga naghihirap na Pilipino na maitawid ang kanilang pang- araw- araw na pangangailangan.

Leave a Reply

Your email address will not be published. Required fields are marked *