WALA’Y supak ang opisyal sa oposisyon sa pagdugang og naa sa P22 milyon sa gigahin nga pondo alang sa confidential fund sa LGU-GenSan apan kinahanglan dili kini maabuso.
Kinahanglan ma-justify partikular na sa ehikutibo kung asa napadulong ang pondo ug angayang mahimo kining patas sa social services, butyag ni Bise Mayor Rosalita Nuñez. Dugang ni Nuñez, angayang masiguro nga dili maabuso ang paggamit sa P82 milyon nga confidential fund sa 2024 alang sa siyudad gikan sa P60 milyon karong 2023.
Sa bahin ni Konsehal Orlando Acharon, ang gastosan sa confidential funds ang alang sa peace and order concerns ug dunay direktang koneksyon sa law enforcement agencies. Gisiguro usab ni Acharon nga dili maabuso ang maong pondo ug ang paggastos niini ang mosubay sa balaud.
Una nang, gibutyag sa Commission On Audit (COA’S) Intelligence and Confidential Funds Audit Unit (ICFAU) nga ang town government’s confidential expenses ang limited sa 3% matag tuig o 30% sa peace and order budget. Ilawom sa DILG Memorandum Circular no. 99-65 giklaro nga angayang ang gastosan sa maong pondo mao firearms, equipment, allowances, hospitalization, training subsidies ug uban pa. I Richel Gubalani