LEGAZPI CITY – Arestado an sarong construction worker makalihis habunon an cellphone kan sarong estudyante sa Purok 5, Brgy. 33, Peñaranda, syudad nin Legazpi.
Binsito an suspek na si alyas “Nonoy”, 32 anyos, may live-in partner asin residente kan Camalig, Albay, mantang binisto man an biktima na si alyas “Roselyn”, 19 anyos, residente kan Purok 2, Bariada, Brgy. Gogon kan nasambit na syudad.
Sa report kan Legazpi City PNP, naghahalat nin malulunadang jeepney an nabiktima sa kahalabaan kan Bariada Road, kan bigla na sanang kinua kan suspek an cellphone kaining nagkakantidad nin PHP54,000.
Puminalag an biktima alagad ginuyod ini kan suspek hasta sa makua an cellphone.
Nagkurahaw an biktima, asin sa tabang kan mga tawong nasa lugar, nadakop an suspek huli ta inabangan ini.
Nagsapar nin lugad an biktima asin presente nang nasa kostudiya kan nasambit na an suspek para sa magkakanigong disposisyon.