GIDAKOP ug gibutang sa selda sa Makar Police Station ang usa ka residente sa Purok Alquizar, Barangay Apopong human nga nanghulga ug nagpakita sumala pa og pagsukol sa kapulisan.
Subay sa talaan sa present dos ang gidakop mao si Mico Akbar, 24-anyos adunay kapuyo ug naga trabaho isip construction worker.
Ang reklamante mao ang pamilya Ricaplaza, human sumala pa wala nakauyon sa taras ni Akbar mao nga gisumbong sa pulis.
Human sumala pa gidala sa pulis ang gireklamo ngadto sa estasyon gisulayan niini sa pagguba ang salamin sa Police Patrol Car ug namulong batok sa usa ka personahe sa presinto dos.
Gumikan niini gikustodiya ang lalaki samtang ginapaabot ang hukom sa reklamante batok kaniya. I Ver Diazon