NAKA KUSTODIYA karon sa selda sa Alabel Municipal Police Station ang usa ka lalaki nga suspek sa pagpanglungkab sa tindahan sa Brgy. Kawas, Alabel, Sarangani Province Nobyembre 21 sa gabii.
Sumala kay Maximo Bautista, 32-anyos, sonstruction worker nga taga Purok 8, Kawas nga wala daw siya nangawat sa tindahan, wala usab siya na aktohan kay anaa siya sa ilang balay gidakop sa mga tanod.
Sa bahin sa tag-iya sa tindahan nga si Abilina Dayondon, katulo gilungkab ang ilang tindahan, nakuhaan sila og mga tinda ug kwarta apan sa ikatulo nga paglungkab naapsan sa iyang anak ang suspek samtang naga pangabli sa ilang drawer.
Sa kumpermasyon ni Police Senior Master Seargent Ricky Salazar ilaha na nga napasaka ang kasong robbery batok sa suspek ug bahala na ang korte sa mamahimong hukom kon dili man moangkon ang dinakpan sa otoridad. I Ver Diazon