Arestado ang isa ka construction worker matapos ginserbihan sang warrant of arrest sang mga kapulisan sa Brgy. Poblacion Ilaya, Dumarao, Capiz.
Ginkilala ang akusado kay John Laurence Escovidal Billones, 20-anyos, residente sang Brgy. Janguslob sa nasambit nga banwa.
Nagapangatubang sang kaso nga Frustrated Murder si Billones.
Ang warrant of arrest ang gin-isyu kag ginpermahan ni Judge Allene Torres Pena, Presiding Judge, Regional Trial Court, 3rd Judicial Region, Branch 110, Tarlac City napetsahan Agosto 30, 2023.
Ginrekomendar sang korte ang piyansa nga P200,000 para sa iya temporaryo nga kahilwayan.
Sa karon, nagapabilin sa kustodiya sang Dumarao PNP ang akusado para sa nagakaigo nga disposisyon kag natalana nga i-turn over sa court of origin. | Judy Ann Juare