Consultative Meeting nga gipahigayon, Nagmalampuson

Nagmalampuson ang gihimong Consultative Meeting nga gipahigayon sa may brgy. Cuevas Session Hall kagahapong adlawa nga gipangunahan ni brgy. Kapitan Raul Granada nga gitambongan sa duha ka Engineer nga gikan sa DPWH, Municipal Planning Section, mga residente, personahe sa HPG, PGU, DENR ug mga dagkong negosyante nga posibleng maapektuhan kabahin sa proyekto nga emontar nga mao ang Rotonda nga dugay na nga gihandom sa motorista ug byahedor.

Dugang pa niini ang maong panagtigom gisaksihan sa Brigada News FM Agusan Team, subay niiini unang hugna sa gihimong panagtigom ang pagpakita sa posibleng disenyo sa maong rotonda. Gawas sa pag-pasabot ug pagpakita niini mi-ani ug mga reaksyon ang DPWH gikan sa mga residente nga dunay mga pribado nga mga luna nga kasamtangang gi-bayaran ug buhis nga usa sa nasakop sa Road Right if way.

Nagkadaiyang reaction usab gikan sa mga residente human nga wala pag-ayo mapasabot sa taga DPWH ang status sa ilang mga luna kung asa dapit ang posible nga maigo sa maong proyekto nga usa sa mga rason nganong mitambong ang mga yanong tao aron sa pag-pakigsayod kung aduna bay mahimong ayuda sa gobyerno kun ugaling mapatuman na ang maong proyekto.

Leave a Reply

Your email address will not be published. Required fields are marked *