Bukod sa padayun nga pagpanami it Kalibo Pastrana Park, pagabutangan man it air-conditioner ro covered court nga padayun nga ginaubra makarun.
Raya eon ro first air-conditioned covered court sa banwa it Kalibo.
Nasayuran nga nag agto si USWAG Ilonggo Party-list Representative Congressman Jojo Ang sa Kalibo para bisitahon ro mga proyekto nga ginapatigayun sa Kalibo Pastrana Park, kaparehu it pagpabutang it L.E.D sa stage ag speaker para may maipatukar nga music kung may okasyon o weekend para mas ma-enjoy it mga Kalibonhon ro pagpamasyar sa plaza.
Ginatinguhaan ag ginaeauman ni Cong Jojo nga sa 2024 hay matapos eon ro proyektong Kalibo Covered Court o maging Multi-purpose Hall para raya hay magamit eon ag ma-enjoy it mga Kalibonhon. // ANN DESLENE SALAZAR