Miabot na sa kapin 64,000 ang mga natalang kaso sa Coronavirus disease 2019 (Covid-19) sa Central Visayas.
Basi sa Covid-19 case bulletin number 355 nga gipagawas sa Department of Health-7 kagabie, adunay nadugang nga 331 ka mga bag-ong kaso.
Kini gikan sa 3,306 ka laboratory test results nga gipagawas sa 14 ka mga Covid-19 laboratory sa rehiyon diin nag-represent kini sa 10.01% nga positivity rate.
Sa mga bag-ong kaso, labing daghan ang gikan sa Negros Oriental nga nakatala ug 231 ka mga bag-ong infection.
Tungod sa mga bag-ong kaso, misaka na sa 64,252 ang total confirmed cases sa rehiyon diin 4,419 na lang niini ang nagpabiling aktibo.
Samtang ang mga naayo, nadugangan ug 304 maong misaka na sa 57,690 ang total recoveries.
Ang mga namatay, miabot na sa 2,143 human natala ang usa ka covid-19 related death gikan sa dakbayan sa Mandaue.