KALIBO, AKLAN—Humampak eon sa 55 do COVID-19 related deaths sa probinsya it Aklan matapos nga madugangan it tatlo kahapon.
Raya hay ginaeakipan nanday Case no. 2010, sangka 65 anyos nga babaye halin sa banwa it Altavas, case no. 2179, 72 anyos nga babaye halin man sa nasambit ng banwa at si case no. 2303, 51 anyos nga taga-Batan, Aklan kung siin do daywang pasyenteng babaye hay indi matumod kung siin nabuoe do virus ag kung paano do mga raya natapnan samtang do eaeaki man hay nakaangkon it exposure sa sangka COVId-19 positive.
Sa pihak nga parte, nadugangan man it 30 do mga nagmaeayad ngani nga sumaka eon sa makarun sa 2,033 do total recoveries, may total confirmed cases man do probinsya nga 2,362 ag 274 pa kara do aktibong kaso. // SHERRY ANNE REUNIR-VIDAL