Nagnaba sa 43.32% ro crime volume sa Region 6 sa lima ka adlaw nga ginpasirado ro mga sementeryo halin Oktubre 29 hasta Nobyembre 2.
Base sa Police Regional Office 6 (PRO-6), uwa it narekord nga mabahoe nga insidente bangud sa mas ginpabaskog nga kampanya kuntra sa krimen ag mga operasyon para sa kaeuwasan it publiko.
Matandaan nga ro PRO-6 hay nagrekord it libu-libo ka mga police personnel sa lugar sa bieog nga rehiyon kapareho it mga sementeryo, daungan, ag mga terminal it transportasyon, ag iban pa.
Gindayaw man ni Police Brigadier General Rolando Miranda, regional police director, ro local government units ag force multipliers kapareho it mga barangay officials ag peacekeeping action teams sa andang kooperasyon./JIL BH. LACSON