BICOL – DARA kan limitadong slots asin bilang pagsunod sa mga eksistidong safety protocols, nakatalaan na magpautob ngunyan an Civil Service Commission o CSC-Bicol nin appointment system para sa isasagibong Career Service Examination – Pen and Paper Test (CSE-PPT) sa maabot na June 19 2022.
Segun sa CSC-Bicol, an pag-file nin aplikasyon para sa nasabing exam an nakatalaan na magpuon sa maabot na Abril dose hasta bente otso o hasta dai pa napapano an mga available slots.
An nasabing online appointment system an bubuksan para sa mga probinsya kan Albay, Catanduanes, Masbate asin Sorsogon kung saen an mga interesadong aplikante an kaipuhan na i-access an itataong link tanganing makakua nin slot na mabukas sa maabot na Abril otso puon alas otso nin aga.
Dugang pa kan CSC Bicol, an mga PWDs, bados asin senior citizens an dai na kinakaipuhan na mag secure nin slot sa paagi kan system. Pwediser sindang magsumiter kan saindang aplikasyon sa CSC Field Office (FO) asin kinakaipuihan sanang magpresintar nin ID card siring kan PWD o Senior Citizen ID asin proof documents siring kan medical certificate asin iba pa.
Mantang an mga aplikante sa provinsia kan Camarines Sur asin Camarines norte an pig aabisuhan na makipagkoordinar sa CSC Field Offices sa saindang mga lugar.