Nagmalampuson ang gipahigayon ngaCulture of SecurityCity-wide Community Exercise (COMEX) dinhi sa syudad sa Davao.
Tumong sa COMEX nga masayod ang publiko ug sulayan ang kahibalo sa pagtubag sa kampanya sa Culture of Security campaign sa syudad nga mao ang “Pag may nakita, Dapat mag salita” ug aron nga maandam ang katawhan labi na ang dakong kasaulogan sa Kadayawan sa Dabaw.
Ang COMEX nagtutok sa 14 ka mga target sxercise areas lakip na ang unom ka mga Hotels/Inns, upat ka mga Parks, duha ka Business Establishments, usa ka Mall, ug usa ka Public Convergence Area.
Sagad sa mga lugar nahimutang subay sa rota sa mga highlights sa Kadayawan, Indak-Indak Kadayawan ug Pamulak ug Hudyaka sa Kadayawan, diin 14 ka mga “actors”, nagtakuban isip terorista kansa gipangkatag sa 14 ka mga target exercise areas ug nagbilin kini og mga baggage sa mga establisimyento.
Kunohay, nakadawat og upat ka mga tawag gikan sa concerned citizen ang 911 kalabotan sa mga unattended baggage ug mga kadudahang mga indbidwal.
Samtang ang uban, gireport sa mga vendors, street sweepers, hotel employees ug security guards, ug miresulta kini sa pagka- neutralize sa mga nagpakaron ingnon nga terorista.
Dako ang pasalamat ni Task Force Davao Commander Colonel Darren E. Comia ngadto sa TFD ug DCPO personnel ug sa tanang mitabang sa COMEX.
Dugang pa sa opisyal nga bisan paman og wala gianunsyo, 100% ang reporting rate sa mga kadudahang indibidwal ug mga unattended baggages, atol sa COMEX, pasabot na lamang niini nga aktibo ang
Culture of Security sa syudad sa Davao.
Gipangunahan sa Task Force Davao (TFD) kaabag ang Davao City Police Office (DCPO) ug uban pang security forces ang City-wide Community Exercise (COMEX) niadtong Agosto 9, 2023, gikan alas 4 sa hapon hangtod alas-7 sa gabii.