Ginkumpirma it pamunuan it Department of Agriculture (DA-6) nga may kaso eon it African swine fever (ASF) ro probinsya it Antique partikular sa banwa it Hamtic.
Suno kay DA OIC Regional Dir. Jose Albert Barrogo, base sa andang clinical laboratory report nga ap-at sa limang serum samples nga ginsumite it Provincial Veterinary (ProVet) Office sa DA Regional Animal Disease Diagnostic Laboratory (RADDL) sa Iloilo City ku June 19 hay positibo sa ASF.
Gin-engganyo man ni Barrogo ro local government nga magpatuman it depopulation ag culling sa mga baboy sa sueod it 500-meter radius it apektadong lugar para malikawan ro pagkalat it virus.
Ginhambaean man nana ro LGU Hamtic nga magtao it assistance sa mga apektadong hog raisers.
Ginhayag man kara nga ro laboratory result hay pwedeng magamit it LGU Hamtic, sa pagdeklara it state of calamity para makabulig sa mga hog raisers.
Ro Hamtic Municipal Agriculture Office (MAO) hay naglista it 1,359 nga mga namatay nga baboy nga nagabalor it P13.04 million sa 22 barangay. // ANN DESLENE SALAZAR