Dakpan ang courier, sa gipahigayong buy-bust operation

DAKPAN ang remittance company courier sa gipahigayong buy-bust operation, sa may National Highway sa Purok 7 Sumasap, Panaon, Misamis Occidental, kaniadtong Abril 25, 2021, ang giilang si GLEN CENIZA CABAHUG, 30 anyos, ulitawo, Courier sa J&T Express, ug residente sa Purok 1 Villalin, Panaon, Misamis Occidental.

Gipalitan sa nagpailang poseur ang suspetsado ug isa ka sachet nga giselyohan, ug transparent kini nga adunay sulod nga puting kristal substansiya nga gituohang shabu.

Nakumpiska gikan sa iyang posesyon ug kontrol ang usa putos nga gi-selyohan, parihaba ang porma, ug sachet nga transparent nga plastic, nga adunay sulud nga puti nga kristal nga substansiya nga gituohang shabu, usa ka 500 pesos nga kwarta, nga adunay serial number CS454803 isip buy bust money. Ug usa ka putos nga salapi nga kantidad ug 685 pesos, usa ka kolor itom nga pitaka, Penshoppe, usa ka cellphone nga Android Android Samsung A10, ug usa ka kahon nga posporo nga Phimco Posporo.

Gibanabana ang kinatibuk-ang gibug-aton sa nakumpiska nga 0.1704 gramos nga adunay kantidad nga mobalor sa 1,158.72 pesos. Kasong paglapas sa Seksyon 5 ug Seksyon 11, Artikulo II sa RA 9165.

Ang dinakpan anaa karon sa kustodiya sa Panaon MPS, samtang ang nakumpiska nga mga ebidensya dad-on sa Crime Laboratory alang sa husay ug kadaghan nga eksaminasyon.(Jean Ruben)