GILIHOK na sa kapulisan sa rehiyon-12 ang pagmugna og tukma ug accessible nga database system sa kampanya batok gidiling droga. Matud ni Brig. Gen. Jimili Macaraeg, regional director sa Police Regional Office (PRO-12) nagpahigayon na og workshop ang mga sakop alang sa Operationalization sa PNP Drug Related Data Integration and Generation System (PNP-DRDIGS).
Ang PNP-DRSDIGS ang usa ka information system ang gidesenyo sa kampanya sa kapulisan batok iligal nga droga. Magsilbi kining digital library sa tanang datus, intelligence reports ug ubang impormasyon kalabut sa kampanya. Ang mga numero ang makatabang sa honest evaluation ug makatabang sa pagpakusog sa estratehiya sa ilang field operations nga angayang intelligence-driven data.
Dugang ni Macaraeg, kinahanglan nila ang makaangkon og operational data aron makita ang tukma nga hulagway ug sitwasyon. Ang storage sa operational data ang usa sa bililhon nga isyu ug gaps nga naila sa ilang gihimong rebuy sa kampanya batok gidiling droga. Ugaling mahimong operational ang system, makahatag na kini og dali ug real-time reports ug statistics. I Richel Gubalani