Pormal nang naghain ng kaso ang Office of the Ombudsman sa Sandiganbayan laban kina dating Health secretary at ngayong Rep. Janette Garin, at iba pang mga health officials.
Ito’y may kaugnayan sa ‘di umano’y ma-anomalyang school-based Dengvaxia vaccination na nagkakahalaga ng P3.5Billion.
Inireklamo ng Ombudsman ang mga opisyal ng graft and technical malversation, partikular na ang illegal use of public funds.
‘Di umano ay nagsabwatan ang mga ito para gamitin ang naturang halaga ng pondo.
Maliban kay Garin, pinakasuhan din sina dating Health usec. Kenneth Hartigan-Go, DOH supply chain management OIC-director Ma. Joyce Ducusin, at si Philippine Children’s Medical Center executive director Julius Lecciones.