Nagtuo si Davao City Mayor Sara Duterte-Carpio nga paigo na ang 15 ka adlaw nga Modified Enhanced Community Quarantine (MECQ) sa syudad aron maminus ang transmission sa COVID-19.
Sumala sa Mayor, nga mukunhod ang pagtakod sa kagaw kung sa maong panahon musunod ang tanang residente sa pahimangno sa lokal nga panggamhanan ug mga eksperto.
Apan kung pabiling magmagahi ang dabawenyos sa pagsunod sa mga apela sama sa ‘stay home’, ug mugawas lang kung may kalabutan sa trabaho, negosyo, ug magpabakuna, posibleng magdugay ang implementasyon sa MECQ ug ibalik nalang sa mas hugot nga Enhance Community Quarantine.
Gani giangkon ni Mayor Inday nga posibleng malagpasan sa Davao CIty ang datus sa Quezon City kung magapadayon ang pag-usbaw sa mga natalang kaso.
Hinoon gitataw sa Mayor nga base sa mga datus nga gihuptan karon sa health sector anaa pa sa MECQ ang estado sa syudad. BNFM-DAVAO
